Ծայրահեղական մի խումբ ակտիվիստներ հարձակվել են Մեծ Բրիտանիայում Ադրբեջանի դեսպանատան վրա:
Նրանք ներխուժել են դեսպանատան շենք, իջեցրել Ադրբեջանի պետական դրոշը և կախել կրոնական պաստառներ։
Ադրբեջանցի դիվանագետներին փրկել է միայն բրիտանական ոստիկանությունը:
Բրիտանական լրատվամիջոցների հաղորդմամբ՝ ոստիկանությունը առնվազն ութ մարդ է ձերբակալել, տուժածներ չկան, քննությունը շարունակվում է:
Ադրբեջանական աղբյուրները նշում են, որ կատարվածի համար պատասխանատվություն է ստանձնել «Մահդիի ծառաների միություն» կոչվող շիա մահմեդական կազմակերպությունը, որի ներկայացուցիչները պնդել են, թե «Ադրբեջանի կառավարությունը հալածում է որոշ շիա մահմեդականների»:
