Վերջին օրերին մայրաքաղաքում ասես սնկի նման աճել են ավտոմեքենաների թալանման դեպքերը (ինչի մասին առաջիկայում SHAMSHYAN.com-ը հրապարակումներ է անելու տուժած քաղաքացիների ահազանգերի փաստով):
Ինչպես հայտնում է ֆոտոլրագրող Գագիկ Շամշյանը, օգոստոսի 7-ին՝ գիշերը ժամը 03:30-ից մինչև 08:00-ն ընկած ժամանակահատվածում, անհայտ անձը կամ անձինք կոտրելու միջոցով գողացել են Կոմիտասի պողոտայի 38/3 շենքի մոտ կայանված, Արաբկիր վարչական շրջանի բնակիչ, 30-ամյա Գրիգոր Ու.-ին պատկանող Mercedes մակնիշի ավտոմեքենայի կողային հայելիները:
Ահազանգով ժամանել է ոստիկանության Արաբկիրի բաժնի օպերատիվ խումբը՝ տարածքը սպասարկող քրեական հետախուզության բաժանմունքի օպերլիազորի գլխավորությամբ:
Գ. Շամշյանի տեղեկություններով՝ ճիվաղի կամ ճիվաղների կողմից կատարված գողության հետևանքով Գրիգոր Ու.-ին պատճառվել է խոշոր չափի նյութական վնաս:
Արդյո՞ք Արաբկիրի ոստիկանությունն ու ոստիկանները կհայտնաբերեն գողին ու գողոնը, երևի դա գիտի միայն Աստված, իսկ մեքենայատերն էլ, հավանաբար, գողին գտնելու հույսը «գրի սառույցին»:
