Միջազգային 

«Թուրքիան մեր ռազմավարական դաշնակիցն է». Ուկրաինան և Թուրքիան հետպատերազմյան վերականգնման մասին հուշագիր են ստորագրել

analitik.am

Ուկրաինայի նախագահ Վոլոդիմիր Զելենսկու և Թուրքիայի նախագահ Ռեջեփ Թայիփ Էրդողանի ներկայությամբ Լվովում հուշագիր է ստորագրվել, որը նախատեսում է Թուրքիայի մասնակցությունն Ուկրաինայի հետպատերազմյան վերականգնմանը:

Փաստաթուղթը ստորագրել են Ուկրաինայի ենթակառուցվածքների նախարար Ալեքսանդր Կուբրակովը և Թուրքիայի առևտրի նախարար Մեհմեդ Մուշը:

«Թուրքիան մեր ռազմավարական դաշնակիցն է։ Մենք շնորհակալ ենք թուրք գործընկերներին Ռուսաստանի ավերած ենթակառուցվածքների վերականգնման գործում համագործակցելու պատրաստակամության համար»,- ասել է Կուբրակովը։

Որպես առաջին նախագիծ՝ դիտարկվում է Կիևի մարզի Ռոմանովկայի կամրջի վերականգնումը, որը Բուչա և Իրպեն քաղաքները կապում է մայրաքաղաքին:

Ուկրաինայի նախագահի պաշտոնական կայքում զետեղված հաղորդագրության մեջ նշվում է, որ մոտ ժամանակներս կստեղծվի վերականգնման հարցերով ուկրաինա-թուրքական համատեղ աշխատանքային խումբ, որի շրջանակներում կմշակվեն կոնկրետ նախագծերում թուրքական ներդրումների ներգրավման մեխանիզմները:

Նույն շարքից