Հնդկաստանի Պունա արդյունաբերական կենտրոնում հաստատված Bharat Forge Limited ընկերությունը հայտնել է, որ շահել է 155,50 մլն դոլար արժողությամբ արտահանման պատվերն իր 155 մմ հաուբիցների մատակարարման համար: Մատակարարումը պետք է իրականացվի երեք տարում, գրում է thehindu.com-ը։
Ընկերությունն այս մասին ծանուցմամբ հայտնել է Բոմբեյի ֆոնդային բորսային՝ մանրամասնելով, որ պատվերը ստացել է Kalyani Strategic Systems Ltd մասնավոր ընկերությունը, որը Bharat Forge Ltd ընկերության դուստր ձեռնարկությունն է:
Ծանուցման մեջ նշվում է, որ պատվերը նախատեսված է «ոչ կոնֆլիկտային գոտու» համար:
Մինչդեռ business-standard.com-ը գրում է, որ հաուբիցները մատակարարվելու են Հայաստան:
