Թուրքիայում՝ Մարմարի ծովի շրջանում, 5.9 բալ ուժգնությամբ երկրաշարժ է գրանցվել, որը զգացվել է Ստամբուլում, Անկարայում և մի շարք այլ խոշոր քաղաքներում։ Այդ մասին հայտնում են թուրքական լրատվամիջոցները։
Վերջին տվյալներով՝ տուժածների թիվը հասել է 46-ի, մեկի վիճակը գնահատվում է ծանր։ Զոհերի մասին առայժմ չի հաղորդվում։
Երկրաշարժի էպիկենտրոնը գտնվում էր 6.81 կմ խորության վրա։ Երկրաշարժը զգացվել է Թուրքիայի բազմաթիվ նահանգներում։
Նշվում է, որ կան ավերածություններ։ Դպրոցներում պարապմունքները դադարեցվել են։
