ՀԱՊԿ գլխավոր քարտուղարի պարտականությունները 2023 թվականից կկատարի Ղազախստանի ներկայացուցիչ Իմանգալի Տասմագամբետովը։ ՀԱՊԿ Հավաքական անվտանգության խորհրդի նիստին այս մասին ասաց Նիկոլ Փաշինյանը։
ՀԱՊԿ գլխավոր քարտուղար Ստանիսլավ Զասն ավարտում է իր եռամյա գործունեությունը ՀԱՊԿ գլխավոր քարտուղարի պաշտոնում։
«2023 թվականի սկզբից՝ առաջիկա 3 տարիներին, ՀԱՊԿ գլխավոր քարտուղարի պարտականությունները կկատարի Ղազախստանի ներկայացուցիչ Իմանգալի Նուրգալիի Տասմագամբետովը»,- ասաց Փաշինյանը՝ նշելով, որ, կարծում է, արդարացված կլինի, եթե Ղազախստանի նախագահ Կասիմ-Ժոմարտ Տոկաևը ներկայացնի նրան, եթե նպատակահարմար է գտնում։