Հայաստանի քննչական կոմիտեի Երևանի քննչական բաժնում նախաձեռնվել է վարույթ նոյեմբերի 29-ին ոստիկանության Մալաթիայի բաժին բերման ենթարկված Երևանի բնակիչ 25-ամյա Ա․Հ․-ի նկատմամբ։
Այս մասին գրում է shamshyan.com-ը։
Ըստ աղբյուրի, այդ օրը Հրազդանի կիրճից ապօրինի թմրամիջոց պահելու և օգտագործելու հիմքով ձերբակալվել և ոստիկանության Մալաթիայի բաժին է տեղափոխվել Ա․ Հ․-ն։
Անձնական խուզարկությամբ նրա մոտ հայտնաբերվել է մոխրացված հետքերով կաթուցիչ, ընդհանուր՝ 4․05 գրամ քաշով դեղնականաչավուն զանգվածով։ Ա․Հ․-ն հայտնել է, որ իր մոտ հայտնաբերվածը հանդիսանում է «մարիխուաննա» տեսակի թմրամիջոց, և այն իր օգտագործման համար է։
Տղամարդը ոստիկանությունից ներկայացվել է Մալաթիայի քննչական բաժին, որտեղից էլ բաց է թողնվել։ Shamshyan.com-ի տեղեկություններով՝ Ա․Հ․-ն հայտնել է, որ ինքը մարզերում գործող բժշկական կենտրոններից մեկի շտապօգնության բժիշկ է։