Հաագայի դատարանի՝ ՌԴ նախագահ Վլադիմիր Պուտինին ձերբակալելու որոշումը, զգալիորեն սահմանափակում է նրա՝ աշխարհի այլ երկրներում գտնվելու հնարավորությունը։
Այս մասին նշել է Ուկրաինայի նախագահի գրասենյակի ղեկավար Անդրեյ Երմակը։
Ինչպես նշում է պաշտոնյան, համաձայն դատարանի որոշման՝ Պուտինին այժմ պարտավոր են ձերբակալել աշխարհի 123 երկրներում, որոնք վավերացրել են Հռոմի կանոնադրությունը կամ ճանաչում են Միջազգային քրեական դատարանի (ՄՔԴ) իրավասությունը:
Հարկ է նշել, որ նման երկրների ցանկում են Եվրոպայի պետությունները, ամբողջ Հարավային Ամերիկան, Աֆրիկայի մի մասը և Ասիան։
Դատարանի իրավասությունը ճանաչող երկրները նույնպես Ռուսաստանի գործընկերներն են, օրինակ՝ Վենեսուելան, Հարավաֆրիկյան Հանրապետությունը, Կենտրոնաֆրիկյան Հանրապետությունը և Տաջիկստանը։