Քիչ առաջ արտակարգ դեպք է տեղի ունեցել Երևանում։
Ժամը 19:00-ի սահմաններում՝ ՀՀ Ներքին գործերի նախարարության Ոստիկանության օպերատիվ կառավարման կենտրոն ահազանգ է ստացվել, որ մի քաղաքացի անցել է Հաղթանակ կամրջի վտանգավոր եզրագիծը և սպառնում է ցած նետվելով ինքնասպան լինել։
Ինչպես հայտնում է ֆոտոլրագրող Գագիկ Շամշյանը՝ օպերատիվորեն ժամանել են Ոստիկանության կենտրոնական բաժնի օպերատիվ խումբը՝ բաժնի պետ Արման Պապյանի գլխավորությամբ։
Օպերատիվորեն ժամանել են ՀՀ ՆԳՆ փրկարար ծառայության Երևանի թիվ 1 հրշեջ-փրկարարական ջոկատից 1 մարտական հաշվարկ, ինչպես նաև ՓԾ հոգեբանը։
Այս պահին տարածքը ՀՀ ՆԳՆ Ոստիկանության պարեկային ծառայության Երևան քաղաքի գնդի 3-րդ գումարտակի 2-րդ վաշտի պարեկները՝ գումարտակի հրամանատար Գոռ Առաքելյանի, վաշտի հրամնատար Գեղամ Եփրեմյանի գլխավորությամբ անցել են ուժեղացված ծառայության, իսկ տարածքը նույն վաշտի պարեկներ Կարեն Հարությունյանն ու Հովհաննես Հովհաննիսյանը սահմանազատել են։
Տեղում է նաև բժիշկների հերթապահ խումբը։
Քաղաքացին պահանջում է՝ հանդիպում ՀՀ գլխավոր դատախազի հետ։ Այս պահին բանակցությունները նրա հետ փրկարարները, ոստիկանները ու պարեկները շարունակում են։
