Մեկնարկել է ԱԺ հերթական քառօրյան: Այն այսօր մեկնարկեց ու ընթանում է վերջին տարիներին սովորական դարձած հունով՝ իշխանություն-ընդդիմություն փոխհրաձգությամբ ու օրակարգային հարցերի քննարկմամբ:
Նիստի մեկնարկին Արծվիկ Մինասյանը խոսեց այն մասին, որ ԱԺ նախագահությունը հարկ չհամարեց հարգել Արցախում զոհված, ինչպես նաև երեկ Հայաստանում թշնամու կրակոցից անմահացած հայորդիների հիշատակը:
Մինասյանի այս խոսքերը որևէ արձագանք չստացան:
Ավելի ուշ դրա մասին խոսեց նաև պատգամավոր Արթուր Խաչատրյանը, ինչից հետո միայն ԱԺ նախագահ Ալեն Սիմոնյանը հայտարարեց, որ համաձայն է՝ առաջարկելով մեկ րոպե լռությամբ հարգել զոհերի հիշատակը:
