Ազգային ժողովն այսօր առաջին ընթերցմամբ ընդունեց ԱԺ պատգամավոր Լիլիթ Գալստյանի կողմից ներկայացված վարչական իրավախախտումների վերաբերյալ ՀՀ օրենսգրքում լրացումներ ու փոփոխություններ կատարելու մասին օրենքի նախագիծը:
Քվեարկությունից առաջ ՔՊ խմբակցության ղեկավար Հայկ Կոնջորյանը վարման կարգով ձայն խնդրեց ու հատուկ նշեց, որ իշխող խմբակցությունը կողմ է քվեարկելու նախագծին:
Նախագիծն ընդունվեց 91 կողմ, 6 ձեռնպահ ձայներով: Ձեռնպահ քվեարկեց Պատիվ ունեմ խմբակցությունը:
Հայկ Կոնջորյանի այս քայլին թերևս կարելի կլիներ նշանակություն չտալ, եթե նա նույնը չաներ ընդդիմադիր խմբակցության պատգամավորի ներկայացրած մյուս նախագծի քվեարկությունից առաջ: Խոսքը վերաբերում է Լիլիթ Գալսստյանի ու Էլինար Վարդանյանի ներկայացրած տեսալսողական մեդիայի մասին օրենքում փոփոխություններ և լրացումներ կատարելու մասին նախագծին: Այս դեպքում էլ Կոնջորյանը հատուկ հայտարարեց, որ ՔՊ խմբակցությունն այդ նախագծին ևս կողմ կքվեարկի:
Այս նախագիծն ընդունվեց 90 կողմ, 6 ձեռնպահ ձայներով: Ձեռնպահ քվեարկեց կրկին Պատիվ ունեմ խմբակցությունը:
