Միջանձնային հարաբերությունները ծագում են առանձին մարդկանց միջև և ներառում դիրքորոշումների, սպասելիքների, կարծրատիպերի և կողմնորոշումների համակարգ, որոնց միջոցով մարդիկ ընկալում և գնահատում են միմյանց:. Դրանք մարդկանց միջև սուբյեկտիվորեն ապրվող փոխադարձ կապեր են, որոնք դրսևորվում են միմյանց վրա ազդեցության բնույթի և եղանակների մեջ ու հաճախ ուղեկցվում հուզական ապրումներով, արտացոլում մարդու ներքին աշխարհը:
Միջանձնային հարաբերությունները բաժանվում են`
- Պաշտոնականի և ոչ պաշտոնականի,
- Գործնականի և անձնայինի,
- Ռացիոնալի և հուզականի,
- Ուղղահայացի և հորիզոնականի:
Մի շարք հետազոտությունների արդյունքները ցույց են տալիս, որ կանայք առավել ճիշտ են իրենց զգացմունքերն ինչպես փոխանցում, այնպես էլ` այլոցն ընկալում: Բացահայտված է, որ տղամարդիկ առավել ճիշտ են ընկալում տղամարդկանց պանտոմիմիկան, կանայք` կանանցը, ինժեներները` ինժեներներինը, ձեռնարկատերերը` իրենց կոլեգաներինը. այսինքն միևնույն հանրույթին պատկանելը նպաստում է արդյունավետ փոխհասկացմանը: Ինչպես նաև մարդն, ով զրուցակցի հանդեպ ապրումակցում է ցուցաբերում, ավելի լավ է ընկալում նրա կողմից արտաբերված տեղեկատվությունը:
