Ես իրավական կողմին չեմ անդրադառնա, իմ պաշտպանական խումբը դրանց կանդրադառնա, սակայն այն, ինչ այս օրերին տեղի է ունենում Հայաստանում իմ, Սահմանադրական դատարանի շուրջ, գալիս է հիմնավորելու, որ խնդիրներն իրոք խորքային են: Օրվա իշխանությունն ունի խնդիր արագ ձերբազատվելու ինձանից՝ որպես ՍԴ նախագահ: Այդ ամենն արվում է շատ կոպիտ, ակնհայտ, ինչի մասին այլևս իմ ասելով չէ, որ մեր հանրությունը, նաև ողջ միջազգային հանրությունը պետք է տեղյակ լինի: Լրագրողների հետ զրույցում հայտարարեց ՍԴ նախագահ Հրայր Թովմասյանը:
«Ես սրա համար միայն ցավ եմ ապրում, քանի որ ինձ համար Հրայր Թովմասյանի խնդիրն այս պարագայում երկրորդական է: Շատ ավելի կարևոր է երկրի հեղինակությունը, վաղվա օրը, չի կարելի տարիներով հավաքած հեղինակությունն այդքան արագ մսխել»,-ասաց նա: