Կառավարության նիստից հետո լրագրողների հետ հանդիպման ժամանակ ՀՀ Բնապահպանության նախարար Արծվիկ Մինասյանը խոսելով, սոցկայքերում տարածված լուսանկարների մասին, որոնցում պարզ երևում է, թե ինչ շինարարական գործողություններ են ծավալվել «Քարերի սիմֆոնիա»-ի մոտ, նշեց, որ տեսչական մարմինը գործողություններ է ծավալալել, այս պահին ցանկացած շինարարական գործողություն կասեցվել է մինչև կպարզվեն շինարարություն ծավալելու իրավական հիմքերը:
Մինասյանի խոսքերով, «Քարերի սիմֆոնիա»-ն համարվում է բնության հուշարձան և մի քանի ամիս առաջ է սահմանվել նշյալ հուշարձանի սահմաններն ու անձնագիրը. «Այս պահին ուսումնասիրություններ են կատարվում՝ արդյո՞ք ծավալված գործողությունները գտնվում են հուշարձանի սահմանում: Բացի դրանից, եթե նույնիսկ սահմանների մեջ չէ, սակայն գտնվում է գետի անմիջական հարևանությամբ, պետք է իմանալ, որ գոյություն ունեն գետի սանիտարական գոտու նկատմամբ պահանաջներ և պայմաններ: Իսկ երրորդը՝ եթե գործողությունը կարող է սպառնալիք հանդիսանալ բնության հատուկ պահպանվող գոտուն, լիազորված մարմինը կարող է կատարել կանխարգելող գործողություն»:
Մինասյանը նշեց, որ իրականացվում են ուսումնասիրման աշխատանքներ և մանրամասն արդյունքների մասին հայտնի կլինի ավելի ուշ:
