Տեղի ունեցավ վերդիկտի հրապարակում, որքան էլ կանխատեսելի էր՝ միշտ հույս կար։ Այս մասին հասարակական-քաղաքական գործիչ Նարեկ Մալյանի գործով դատական նիստից հետո լրագրողներին ասաց նրա պաշտպաններից Ռուբեն Մելիքյանը՝ շեշտելով, որ սա իրականում դատավորի վերդիկտն էր, այլ ոչ թե Մալյանի։
Պաշտպանը նաև անդրադարձավ մեղադրանքի կողմին, ով միջնորդեց Մալյանին ազատազրկել 3 տարի 3 ամիս ժամկետով։
«Ի՞նչ է ասում մեղադրողը, նախատեսված է 1-4 տարի ժամկետոով սանկցիա և առկա է մեղմացնող հանգամանք, առկա չէ ծանրացնող հանգամանք։ Եթե մենք մաթեմատիկական կանոններով ենք նայում, կիսում են 1-4-ը ստացվում է 2,5 տարի, և եթե մեղմացնող հանգամանք է լինում, նվազեցնում են։ Չհասկացա, թե ինչու ոչ թե 2,5 տարոուց ավելի քիչ ժամկետ առաջարկեց, այլ ավելի շատ։ Այն, որ իրավաբանություն այս գործում չկար, գիտեինք, որ մաթեմատիկայի հետ խնդիրներ էլ կան մինչև 4-ի հաշվարկի հետ կապված, չէի տեսել»,- ասաց նա։
Մելիքյանը շեշտեց, որ դիմելու են վերաքննիչ դատարան, օգտագործելու են բոլոր հնարավոր գործիքները։
Հիշեցնենք, որ Նարեկ Մալյանը կալանավորվել է ՀՀ Քրեական օրենսգրքի 329 հոդվածով։
Հոդվածը սահմանում է՝ «Անձի կամ անձանց խմբի նկատմամբ քաղաքական հայացքներով պայմանավորված ատելություն, անհանդուրժողականություն կամ թշնամանք քարոզելուն ուղղված հրապարակային խոսքը»: Սահմանված պատիժը՝ 1-4 տարի։
Դատարանը նրան մեղավոր ճանաչեց և վճիռը կհրապարակվի 13։00-ին։
Նարեկ Մալյանն իրեն համարում է քաղաքական բանտարկյալ։
