Կիրանցից դեպի Երևան մեկնարկած քայլերթի մասնակիցները, ՀԱԵ Տավուշի թեմի առաջնորդ Բագրատ արքեպիսկոպոս Գալստանյանի առաջնորդությամբ, կգիշերեն Հաղարծինում, իսկ առավոտյան կշարունակեն քայլերթը։
«Առավոտյան ժամը 09։00-ին Սուրբ պատարագի ենք Սուրբ Աստվածածին եկեղեցում։ Կայցելենք մեր արքաների շիրիմին, դարձյալ մեր ուխտը կկննքենք ու կշաժվենք ըստ նախանշված ժամանակացույցի և ընթացի»,- քայլերթի մասնակիցներին տեղեկացրեց Բագրատ Սրբազանը։
Հիշեցնենք, որ «Տավուշը հանուն հայրենիքի» շարժման անդամները Բագրատ Սրբազանի առաջնորդությամբ կեսօրից Կիրանցից քայլերթով սկսել են շարժվել Երևան։ Նրանք Երևան կհասնեն մայիսի 9-ին։
«Միակողմանի զիջումների այս աղետալի ընթացքը վերջ ու սահման չունի. հյուսիսից հարավ մենք մեծ, անհասկանալի արյունահոսության գործընթացում ենք գտնվում։ Այս գործընթացը պետք է դադարեցվի»,- քայլերթից առաջ հայտարարել էր Բագրատ Սրբազանը։
Քայլերթին բացի տավուշցիներից, միացել են Հայաստանի այլ շրջաններից քաղաքացիներ, արվեստագետներ, զոհված զինծառայողների հարազատները։
