ԱՄՆ նախագահ Դոնալդ Թրամփն ատում է ազգային անվտանգության հարցերով իր նոր խորհրդական Ջոն Բոլթոնի բեղերը: Այս մասին հայտնում է New York Times-ը՝ հղում անելով Սպիտակ տան իր աղբյուրին:
Պարբերականի տեղեկություններով, Թրամփը Բոլթոնի բեղերի պատճառով նույնիսկ կասկածներ է ունեցել վերջինիս պաշտոն տալու հարցում:
Washington Post-ն իր հերթին գրում է, որ Բոլթոնն իր բեղերի պատճառով ավելի վաղ զրկվել է ԱՄՆ պետքարտուղար նշանակվելու հնարավորությունից:
Հիշեցնենք, որ օրեր առաջ ՄԱԿ-ում ԱՄՆ-ի մշտական նախկին ներկայացուցիչը նշանակվեց Միացյալ Նահանգների նախագահի ազգային անվտանգության հարցերով խորհրդական՝ փոխարինելով գեներալ Հերբերթ Մաքմասթերին: