Սեպտեմբերին Վիեննայի օպերան կբացի նոր սեզոնը: Օգոստոսի վերջին օպերայի կայքում հրապարակել են հաճախորդների համար հանձնարարականների թարմացված ցուցակը:
Հանդիսատեսներին խնդրում են զերծ մնալ «Բրավո» բացականչություններից (ընդգծելով, որ դա կարող է «շատ ծանր» լինել) և առաջարկում են կատարողներին սատարել բուռն ծափահարություններով:
Անվտանգության նոր միջոցները կապված են կորոնավիրուսի տարածման հետ: Այդ կերպ Վիեննայի օպերայի տնօրինությունը հույս ունի նվազեցնել վարակման ռիսկը այցելուների և աշխատակիցների համար:
