Բելառուսի ընդդիմությունը սկսել է ինքնապաշտպանության ջոկատներ կազմավորել: Երկրի բնակիչներին կոչ են անում վերահսկողության տակ առնել բնակելի շենքերն ու թաղամասերը:
Այս մասին հաղորդում է pravda.ru-ն՝ նշելով, որ ջոկատների համակարգման համար կօգտագործվեն ծածկագրված Telegram-ալիքներ:
Ինքնապաշտպանության ջոկատները երթերի և բողոքի ակցիաների ժամանակ պետք է հետևեն կարգուկանոնի պահպանմանը:
Ընդդիմությունն ու նրանց աջակիցները օգոստոսի 9-ին երկրում տեղի ունեցած ընտրություններից հետո գրեթե ամեն օր բողոքի ցույցեր են իրականացնում։ Ընտրությունների արդյունքներով՝ հաղթող է ճանաչվել գործող նախագահ Ալեքսանդր Լուկաշենկոն:
