Ավստրիական բորդելում կորոնավիրուսի դեմ պատվաստման կետ է բացվել: Այս մասին հայտնում է Heute-ը:
Բորդելի մենեջեր Պետեր Լասկարիսն ասել է, որ պատվաստվել կարող են ոչ միայն տղամարդիկ. «Իհարկե, կանանց և երեխաներին չի կարելի բորդել մտնել, սակայն մենք դա ի նկատի ենք ունեցել, և պատվաստման կետն առանձին մուտք ունի»:
Նշվում է, որ բոլոր պատվաստվածներին տրամադրվում է բորդելի մուտքի զեղչ՝ 30 եվրոյի չափով:
Նշենք, որ ավելի վաղ ավստրիական մի սրճարան հրաժարվել էր սպասարկել կորոնավիրուսի դեմ պատվաստված քաղաքացիներին՝ նրանց ասել էին, որ սրճարանը նախատեսված է բացառապես չպատվաստված քաղաքացիների համար: