ԱՄՆ փորձագետները հայտնել են, որ կորոնավիրուսի դեմ պատվաստանյութերի արդյունավետությունն ընկել է՝ նախկին 87,9 տոկոսից հասնելով 48,1 տոկոս: Այս մասին հայտնում է Science-ը:
Փորձագետներն ուսումնասիրել են ավելի քան 780 225 պատվաստված անձանց և եկել այն եզրակացության, որ կորոնավիրուսի դելտա շտամմի տարածվելուց հետո պատվաստանյութերի արդյունավետությունը նվազել է:
Ամենաշատ նվազումն արդյունավետության մասով ունեցել է Janssen (Johnson & Johnson) պատվաստանյութը՝ արդյունավետությունը 86,4 տոկոսից իջել է 13,1 տոկոսի, PfizerBioNTech-ի դեպքում՝ 86,9 տոկոսից նվազել է մինչև 43,3 տոկոս, իսկ Moderna-ի դեպքում՝ 89,2 տոկոսից հասել է 58 տոկոսի:
Փորձագետները նաև նել են, որ այդուհանդերձ, պատվաստանյութերը նվազեցնում են մահացության ցուցանիշը: