ԱՄՆ փորձագետները հայտնաբերել են, որ այն մարդիկ, ովքեր քնելու ընթացքում ունենում են շնչառական խնդիրներ, կորոնավիրուսով վարակվելու դեպքում կարող են ավելի ծանր տանել հիվանդությունը: Այս մասին բժիշկները հայտնել են JAMA Network Open-ում հրապարակված հոդվածում:
Ուսումնասիրությունների արդյունքում պարզվել է, որ քնած ժամանակ շնչառական խնդիրներ ունեցող անձանց դեպքում 31 տոկոսով ավելանում է հիվանդության ծանր ընթացք ստանալու հավանականությունն, ինչպես նաև մահվան ռիսկը:
Բժիշկները նշել են, որ այս ուսումնասիրությունները թույլ են տալիս ավելի լավ հասկանալ քնած ժամանակ շնչառական խանգարումներ ունեցող անձանց մոտ կորոնավիրուսի ծանր ընթացք ստանալու կապը: