Yerevan.today-ը գրում է.
Սեպտեմբերի 25-ին Բերդում ՏԻՄ ընտրություններով վերընտրված ուժին քաղաքական բռնաճնշումներով ու հաղթած թեկնածուների կալանավորումներով քաղաքական իշխանությունը Բերդում ընդդիմությունից իշխանությունը խլելու 3-րդ սցենարին է պատրաստվել, բայց երեկ օրվա ավարտին իրավիճակ է փոխվել։ ՔՊ-ին ջախջախած Բերդի համայնքապետ Հարություն Մանուչարյանը կալանավայրից տապալել է իշխանության ողջ սցենարը։
Երեկ օրվա ավարտին ԿԸՀ-ում ինքնաբացարկի 3 դիմումներ է մուտք արվել՝ Բերդում հաղթած «Զորավոր համայնք» դաշինքից, մանդատից հրաժարված երեք դիմումատուներն էլ կալանավայրում պահվող ավագանու անդամերն են։
Բերդում 50+ ձայներով վերընտրված ընդդիմադիր «Զորավոր համայնք» ցուցակը գլխավորող Հարությունը Մանուչարյանը, ոորը 11 ամիս է ինչ կալանավորված է իշխանության քմահաճույքով, ցուցակի 2-րդ հորիզոնականը զբաղեցնող Սամվել Հովսեփյանը, որին օրերս կալանավորեցին՝ իբր իր թիմի օգտին քարոզչություն անելու հարկադրանքի համար և 10-րդ համարը՝ Սարգիս Մարգարյանը։ Այս մասին Yerevan.Today-ին հայտնեցին «Զորավոր համայնք» դաշինքից։
Նրանք այս քայլին գնացել են հոկտեմբերի 10-ին նշանակված ավագանու նիստին ընդառաջ, որի ժամանակ ընտրվում է համայնքի ղեկավարը, քաղաքական նուրբ հաշվարկով, որպեսզի իշխանության հնարավոր սցենարը տապալեն․ բանն այն է, որ այս բացակա անդամների չքվեարկելը կարող է օգնել ՔՊ-ին ավագանու ձայների համամասնության հարցում և իշխանությանը հնարավորություն տալ ՏԻՄ մասնակից երրորդ ուժի՝ «Արժանապատիվ սերունդ» դաշինքի հետ կոալիցիա կազմելու միջոցով Բերդում իշխանությունը խլեն վերընտրված համայնքային ընդդիմադիր ուժից։
Հիշեցնենք Բերդում սեպտեմբերի 25-ին ՏԻՄ ընտրությունների արդյունքները՝ գործող ընդդիմադիր համայնքապետ Հարություն Մանուչարյանի գլխավորած «Զորավոր Հայրենիք» դաշինքը հավաքել է 5685 ձայն, իշխող ՔՊ-ն 4298 ձայն, իսկ «Արժանապատիվ սերունդ» դաշինքը՝ 1097 ձայն։
Ավելի վաղ հայտնել էինք , որ իշխող ՔՊ-ն հրաժարվում է ընդունել Չարենցավանում ու Բերդում իր պարտությունը և ընտրությունների հաջորդ իսկ օրվանից Չարենցավանի և Տավուշի Բերդ համայնքներում ընտրական արդյունքների բողոքարկման գործընթաց էր սկսել։ Վերահաշվարկի արդյունքում, սակայն, թվերը մնացին նույնը։
