Նոյեմբերի 27-ին Բաքվում Ադրբեջանի պաշտպանության նախարար Զաքիր Հասանովը հանդիպել է այցով Ադրբեջանում գտնվող Թուրքիայի ազգային պաշտպանության նախարար Յաշար Գյուլերի հետ։
Ինչպես հաղորդում է APA-ն՝ Ադրբեջանի պաշտպանության նախարարությանը հղումով, հանդիպման ժամանակ ընդգծվել է, որ «ադրբեջանա-թուրքական հարաբերությունները հիմնված են դաշնակցային հարաբերությունների վրա՝ համաձայն Շուշիի հռչակագրի։ Նշվել է երկկողմ հարաբերությունների զարգացման գործում այս հռչակագրի բացառիկ դերը»։
Հանդիպմանը մտքեր են փոխանակվել նաև համատեղ զորավարժությունների ինտենսիվության բարձրացման, տարածաշրջանում և աշխարհում տեղի ունեցող ռազմաքաղաքական գործընթացների, տարածաշրջանում կայունության ապահովման ուղիների, ինչպես նաև փոխադարձ հետաքրքրության այլ հարցերի շուրջ։
