Այսօր հակառակորդի կրակոցի հետևանքով զոհված պայմանագրային զինծառայող, լեյտենանտ Գերսաիմ Առաքելյանը 31 տարեկան էր՝ Եղեգնաձոր համայնքից։ «Փաստինֆո»-ին համայնքապետարանից պատմեցին, որ Գերասիմն ամուսնացած էր, ուներ մեկ դուստր՝ 3 տարեկան։
«Մեր համայնքի կողմից հարգված, սիրված, լավ երիտասարդ էր։ Հասարակության մեջ ընդունված, հարգանքով երիտասարդ է եղել»,- պատմեցին համայնքից։
Հիշեցնենք, որ դեկտեմբերի 4-ին՝ ժամը 14։35-ի սահմաններում, Ադրբեջանի ԶՈՒ-ն կրակ է բացել Բարձրունու (Վայոց ձորի մարզ) հատվածում տեղակայված հայկական դիրքի ուղղությամբ, ինչի հետևանքով հրազենային մահացու վիրավորում է ստացել ՀՀ ՊՆ N զորամասի զինծառայող Գերասիմ Ավետիքի Առաքելյանը։ Այս մասին հայտնում են ՊՆ-ից։
