Իրանի դեսպան Սեյիդ Աբբաս Մուսավին այսօր հանդիպել է Ադրբեջանի փոխարտգործնախարար Սամիր Շարիֆովի հետ:
APA-ի հաղորդմամբ՝ հանդիպմանը քննարկվել են երկկողմ հարաբերությունների վերջին զարգացումները:
Քննարկվել են նաև քաղաքական, տնտեսական, ռազմական, էներգետիկ և տրանսպորտային ոլորտներում համատեղ ծրագրերը։
Անդրադարձ է կատարվել նաև Հարավային Կովկասի տարածաշրջանում տեղի ունեցող իրադարձություններին, Հայաստանի և Ադրբեջանի միջև խաղաղության հասնելուն ուղղված ջանքերին, տարածաշրջանային համագործակցության ձևաչափերին։