Ինչպես հաղորդում է ՏԱՍՍ գործակալությունը, Դոնբասում հրադադարի հաստատումից հետո ակտիվ ռազմական գործողություններ տեղի չեն ունենում, սակայն շարունակվում են դիրքերի գնդակոծությունները:
Այդ մասին հայտնել են Դոնեցկի ինքնահռչակ հանրապետության զինվորական հրամանատարական շտաբից, նշելով, որ հրաձգային զինատեսակներից ուկրաինական կողմը Պեսկի բնակավայրից գնդակոծել է Դոնեցկի օդանավակայանը:
Նախորդ օրվա ընթացքում կողմերը ծանր հրետանի չեն օգտագործել, սակայն հրաձգային փոխհրաձգություններ են գրանցվել ռազմաճակատի շփման գծի ողջ երկյանքով:
Աստիճանաբար կարգավորվում է Դոնեցկի առօրյա կյանքը: Քաղաքում իր աշխատանքն են սկսել քաղաքային տրանսպորտն ու քաղաքացիական հաստատությունները: Դոնեցկում ու մյուս բնակավայրերում սկսվել են ռմբակոծություններից տուժած շինությունների վերականգման աշխատանքները, էլեկտրակայանների վերականգնումը:
