Հաջորդ անգամ երեխային նվեր գնելիս երկար մտածեք՝ արժե արդյոք թանկարժեք նվերներ գնել։ Միսուրիի համալսարանի գիտնականները հարցում են անցկացրել երիտասարդ ծնողների շրջանում, որպեսզի պարզեն` երեխայի դաստիարակման որ մեթոդն են կիրառում նրանք: Պարզվել է, որ ծնողների մեծամասնությունը նախընտրում է թանկարժեք նվերներով երեխային խթանելու մեթոդը:
Նշանակում, որ եթե ծնողները ցանկանում են հոգատարություն և սեր ցուցաբերել երեխայի հանդեպ, ավելի հաճախ են թանկարժեք նվերներ տալիս: Եթե ցանկանում են խրատել երեխային, արգելում են օգտվել ինչ-որ իրերից:
Consumer Research ամսագրում հրապարակված հոդվածի համաձայն` գիտնականները պարզել են, որ երիտասադ ծնողները ավելի հաճախ են երեխային ոգևորում թանկարժեք նվերներով ամ փողով:
Օրինակ` ծնողները հաճախ այսպես են դիմում` եթե սենյակդ կարգի բերես, կգնեմ պաղպաղակ, եթե դպրոցում բարձր գնահատականներ ստանաս` iPhone կգնեմ, եթե մայրիկիդ օգնես տունը հավաքել` նոր ջինս կգնեմ քեզ համար և այլն:
Մի կողմից, այս ամենը դրական ազդեցություն կարող է թողնել երեխայի հոգեվիճակի վրա, որովհետեև միշտ կձգտի ավելին անել, գոհացնել ծնողին, սակայն այս մեթոդը ունի նաև բացասական հետևանքներ:
Նախ և առաջ` նյութական նվերները չեն երջանկացնում երեխաներին: Գիտնականների կարծիքով` երեխաները փոքրուց մարդկանց կգնահատեն նրանով, ինչ ունեն, այլ ոչ թե անձնական հատկանիշներով: Երեխաները կսկսեն իրենց տարեկիցների հետ վատ վերաբերվել, եթե տեսնեն, որ նրանք էլ չունեն այդ նվերներից:
