Նոր Նորք վարչական շրջանի ֆեյսբուքյան էջը հայտնում է, որ Նոր Նորք վարչական շրջանի ղեկավար Արմեն Ուլիխանյանի նախաձեռնությամբ այսուհետ, ղեկավարի աշխատակազմի ստորաբաժանումների աշխատակիցները կատարված աշխատանքների վերաբերյալ պարբերաբար ներկայացնելու են հաշվետվություն:
Ամփոփելով հունվար ամսվա ընթացքում իրականացված աշխատանքների արդյունքները՝ Նոր Նորք վարչական շրջանի ղեկավարը կարևորել է յուրաքանչյուրի համակարգված աշխատանքը և հորդորել լինել առավել հետևողական աշխատանքների արդյունավետ կազմակերպման, առաջադրված խնդիրներին և բնակչության բարձրացրած հարցերին լուծում տալու առումով:
Վարչական շրջանի ղեկավարը բաժինների աշխատակիցներին տվել է մի շարք ցուցումներ և հանձնարարականներ աշխատանքների ընթացքի առավել բարելավման համար: