Հոլիվուդյան հանրահայտ դերասան Ջորջ Քլունին և նրա կինը՝ հայտնի փաստաբան Ամալ Ալամուդդինը, քիչ առաջ ժամանեցին Հայաստան։ Աստղային զույգին դիմավորողների շարքում էր հայտնի գործարար Ռուբեն Վարդանյանը, որը Aurora Prize for Awakening Humanity միջազգային մրցանակաբաշխության հիմնադիրներից է:
Զույգը մասնակցելու են միջազգային առաջին մրցանակաբաշխությանը՝ կազմակերպված հայ գործարարներ Ռուբեն Վարդանյանի, Նուբար Աֆեյանի և Կարնեգի կորպորացիայի նախագահ Վարդան Գրեգորյանի նախաձեռնությամբ։
Արարողությունը կկայանա ապրիլի 24-ին Երևանում։ Ջորջ Քլունին կհայտարարի հաղթողի անունը, իսկ կինը կուղեկցի նրան` որպես մասնավոր դեմք: