Ապրիլի 2-ին տեղի ունեցած խորհրդարանական ընտրությունների արդյունքներով մանդատների բաշխումը տեղի կունենա ապրիլի 9-ին: Այս մասին լրագրողներին հայտնել է ՀՀ ԿԸՀ-ի նախագահ Տիգրան Մուկուչյանը:
Ինչ վերաբերում է մինչև այդ ընկած ժամանակահատվածին, ապա Մուկուչյանը նշել է, որ այդ ընթացքում ուսումնասիրվելու են բողոքները:
Հիշեցնենք, որ այս պահի դրությամբ արդեն մշակվել են բոլոր 2009 ընտրատեղամասերի տվյալները: Նախնական տեղեկություններով հաջորդ ԱԺ-ում 4 ուժ կլինի՝ ՀՀԿ, Ծառուկյան դաշինք, ԵԼՔ դաշինք, ՀՅԴ: