Ռուսաստանի Դաշնության նախագահ Վլադիմիր Պուտինը շնորհավորել է Ադրբեջանի նախագահ Իլհամ Ալիևին երկու երկրների միջև դիվանագիտական հարաբերությունների հաստատման 25 ամյակի կապակցությամբ:
«Վստահ եմ, որ մենք միահամուռ ուժերով հետագայում ևս կզարգացնենք մեր ռազմավարական գործընկերությունը: Դա բխում է մեր քաղաքացիների շահերից և նպաստում է Հարավային Կովկասում և դրա սահմաններից դուրս խաղաղության և կայունության հաստատմանը»,-հայտարարել է Պուտինը:
ՌԴ նախագահը նշել է, որ Ռուսաստանի և Ադրբեջանի միջև կա բովանդակային քաղաքական երկխոսություն, ակտիվ միջկառավարական և միջխորհրդարանական համագործակցություն. «Ընդլայնվում է տնտեսական, գիտատեխնիկական համագործակցությունը, քաղաքացիական հասարակությունների միջև կապը»:
Պուտինը նաև առողջություն և հաաջողություն է մաղթել Ալիևին, իսկ Ադրբեջանի ժողովրդին՝ բարեկեցություն:
