Forbes ամսագիրը հրապարակել է 200 ամենահարուստ ռուսաստանցիների ցանկը: Ցանկի առաջին հորիզոնականում «Նովատեկ» ընկերության համասեփականատեր Լեոնիդ Միխելսոնն է, ում կարողությունը հասնում է 18,4 միլիարդ դոլարի: Երկրորդ հորիզոնականում հայտնվել է «Սևերստալի» սեփականատեր Ալեքսեյ Մորդաշովը՝ 17,5 միլիարդ դոլարով: Իսկ եռյակը եզրափակում է Նովոլիպեցկի մետալուրգիական կոմբինատի սեփականատեր միլիարդատեր Վլադիմիր Լիսինը՝ 16,1 միլիարդ դոլար կարողությամբ:
Ինչ վերաբերում է ռուսաստանաբնակ հայազգի մեծահարուստներին, ապա ցուցակում հայտնվել են հետևյալ գործարարները.
Սերգեյ Գալիցկի (18-րդ հորիզոնական)
Սամվել Կարապետյան (32-րդ հորիզոնական)
Դանիլ Խաչատուրով (48-րդ հորիզոնական)
Ռուբեն Վարդանյան (99-րդ հորիզոնական)
Ալբերտ Ավդալյան (123-րդ հորիզոնական)
Նիկոլայ Սարկիսով (146-րդ հորիզոնական)
Սերգեյ Սարկիսով (147-րդ հորիզոնական)