Վյետնամական Bkav ընկերության մասնագետները կարողացել են ստեղծել հատուկ դիմակ, որով հնարավոր է կոտրել iPhone X-ի Face ID պաշտպանական համակարգը: Յութուբում հայտնված տեսանյութում մասնագետները ցույց են տալիս, թե ինչպես է դա իրենց հաջողվում անել:
Տեսանյութում ցուցադրվում է միայն այն, թե ինչպես է հաջողվում կոտրել հայտնի պաշտպանական համակարգը, այլ մանրամասներ չեն հայտնվում: Չի նշվում նաև, թե որքան ժամանակ է պետք դրա համար:
Հիշեցնենք, որ Face ID համակարգը եկավ փոխարինելու Touch ID-ին: Apple-ում վստահեցնում են, որ այն ամենահուսալի համակարգն է: