Հեռակառավարվող ժամանակակից ավտոմեքենաները կարող են մահաբեր զենք դառնալ հաքերների համար, կարծում են փորձագեtները: Այս մասին գրում է The Times-ը:
Նյու Յորքի համալսարանաի մասնագետների կարծիքով, թշնամական երկրները կամ ահաբեկիչները կարող են կոտրել այդ մեքենաների պաշտպանական համակարգերը և դրանք օգտագործել իրենց նպատակների համար: Խոսքը մասնավորապես վերաբերում է 2005 թվականից հետո թողարկված ավտոմեքենաներին, որոնք ունեն հեռակառավարման համակարգ:
Վերոնշյալ համալսարանաի աշխատակիցներից Ջասթին Քափփոսը նշել է, որ չարագործները կարող են մեքենան վարել իրենց ցանկությամբ, կամ ուղղակի մարդկանց փակել դրանց մեջ:
Հարկ է նշել, որ միայն Մեծ Բրիտանիայում կա մոտ 9 միլիոն ավտոմեքենա, որոնք կարող են հաքերային հարձակման թիրախ դառնալ:
2016 թվականին հաքերներին արդեն հաջողվել էր գտնել, թե ինչպես կարելի է ռադիոյի օգնությամբ կոտրել ավտոմեքենաների պաշտպանական համակարգը և այն սեփական ցանկությամբ օգտագործել: