Ֆրանսիայում առաջարկում են պատժել այն տղամարդկանց, ովքեր անպարկեշտ արտահայտություներ կանեն կանանց մարմնի մասերի կամ արտաքին տեսքի վերաբերյալ: Այս մասին, ինչպես փոխանցում է The Local-ը, ասված է նոր կառավարական փաստաթղթում:
Փաստաթղթի համաձայն, խախտում կատարած տղամարդիկ 90 եվրո կվճարեն, իսկ եթե 15 օրվա մեջ երկրորդ անգամ անպարկեշտ արտահայտություն թույլ տան իրենց, կվճարեն 135 եվրո: Նրանք, ովքեր կուշացնեն վճարը, ստիպված կլինեն գրպանները դատարկել 375 եվրոյով:
Տուգանքի ենթարկվելու են նաև այն տղամարդիկ, ովքեր կհետապնդեն կանանց, կամ կփակեն վերջիններիս ճանապարհը: Այս ամենի նպատակն է պայքարել սեքսիզմի դեմ, որի հետ կանայք բախվում են փողոցում:
Հավելենք, որ օրինագծի հեղինակն է Մարլեն Շյապպան, ով հայտնի ֆեմինիստ է:
