Ախտահանման ժամանակ պարբերաբար օգտագործվող միջոցներն օրգանիզմի վրա նույնքան բացասական ազդեցություն են թողնում , ինչպես օրվա ընթացքում մեկ տուփ ծխախոտ ծխելը : Այս մասին փաստում են Բերգենի համալսարանի գիտնականների ուսումնասիրությունները։ Հատակը ախտահանող և լոգանքի համար նախատեսված հեղուկների ամենափոքր մասնիկները կուտակվում են թոքերում , ինչը հանգեցնում է լուրջ բարդությունների՝ ընդհուպ մինչև ասթմա:
Հարց է առաջանում՝ ինչպե՞ս պահպանել մաքրություն բնակարանում՝ առանց առողջությանը վնաս հասցնելու:
Նորվեգիայի Բերգեն համալսարանի հետազոտողները դեռ 22 տարի առաջ էին սկսել այս փորձարկումները , որին մասնակցել է 6235 մարդ : Բոլոր այդ մարդիկ պարբերաբար՝ շաբաթը մի քանի անգամ մաքրել են սեփական բնակարանները կամ իրականացրել մաքրություն մասնավոր ընկերություններում ։ Փորձարկումների ընթացքում գիտնականներն անսպասելի արդյունքներ ստացան , այսպիսով ՝ ինչքան հաճախ էր անցկացվել մաքրություն, այնքան շատ էին գրանցվել շնչառական հիվանդությունների դեպքեր , մասնավորապես, նրանց մոտ , ովքեր դա իրականացրել էին : Հետազոտողները պարզեցին նաև, որ տնային տնտեսությունով զբաղվող կանանց մոտ բրոնխիալ ասթմայի զարգացման հավանականությունը 40% -ով բարձրացել է : Այդ ախտահանիչ նյութերի ամենափոքր մասնիկները՝ լինի դա օծանելիք կամ մաքրող քսուք , կուտակվում են թոքերում՝ առաջացնելով շնչառական ուղիների լորձաթաղանթի գրգռում և դրա հետագա դեֆորմացիա ։
«Մաքրման միջոցներում առկա քիմիական միացությունները շնչուղիներ ընկնելու պահից սկսվում է տեղային գրգռում , հիպերեմիա (գերարյունություն), այտուց : Որպես հետևանք փոքրանում է թոքերի ծավալը , խանգարվում է օրգանիզմի ամբողջ շնչառական համակարգը », - ասում է հետազոտության հեղինակներից մեկը՝ Օսթին Սվոնսը:
Առօրեական մաքրություն անելու վնասը գիտնականների կարծիքով հավասարազոր է օրեկան մեկ տուփ ծխախոտ ծխելուն :
«Վստահ եմ՝ ոչ ոք չէր կարող մտածել , որ բնակարան մաքրելը գրեթե նույնքան վտանգավոր է , որքան ծխելը : Ուսումնասիրության արդյունքների համաձայն , տպավորությունն այնպիսինն է , որ տնային տնտեսուհիները ծխել են ամեն օր ՝ 10-20 տարիների ընթացքում », - ասում է Սվոնսը ։
Փորձագետները կարծում են , որ ախտահանիչ նյութերի օգտագործման սկզբունքը թերի է , քանի որ դրանք բացասաբար են անդրադառնում մարդու առողջության վրա:
«Եթե մաքրող միջոցի ակտիվ նյութը սպանում է մանրէներ և վիրուսներ , ապա մեր օրգանիզմում այդ մասնիկները միայն կուտակվում են : Կենցաղային քիմիական բաղադրիչների կոնկրետ կոնցենտրացիայի ձեռքբերումը կարող է հանգեցնել օրգանիզմում բոլոր տեսակի խախտումների », - ասել է Մոսկվայի պետական համալսարանի օրգանական քիմիայի ամբիոնի պրոֆեսոր Վալերի Պետրոսյանը ։
Ուսումնասիրության արդյունքների համաձայն , գիտնականները հայտնաբերել են ևս մեկ հետաքրքիր օրինակ ` ախտահանիչ միջոցներով կանոնավոր մաքրությունը ոչ մի վնաս չի պատճառել փորձարկմանը մասնակցող տղամարդկանց օրգանիզմին :
«Հավանական է , որ տղամարդկանց թոքերն ավելի քիչ են հակված քիմիական մաքրող միջոցների բացասական հետևանքներին : Բացի այդ , նախորդ ուսումնասիրությունները ցույց են տվել , որ տղամարդու մարմինը տառապում է տարբեր տեսակի գրգռիչներից՝ ներառյալ ծխախոտի ծուխը և փայտի փոշին », - ասում է Սվոնսը :
Միևնույն ժամանակ, ավելի քան 20 տարվա կանոնավոր մաքրություններից հետո, հետազոտության մասնակիցներից ՝ 13.6% կանանց մոտ զարգացել է ասթմա ։
Նորվեգացի գիտնականները հորդորեցին արտադրողներին ախտահանիչ նյութերի փաթեթավորման վրա գրել՝ արդյոք դրանք պարունակում են շնչառական համակարգերի համար պոտենցիալ վտանգավոր նյութեր, ինչպիսիք են ամոնիակը և քլորը: Այնուամենայնիվ, հետազոտողները հիշեցրեցին , որ բնակարաններում մեծամասնություն կազմող հատվածները , բացառությամբ լոգարանը , կարող են մաքրվել սովորական ջրով և հասարակ կտորի օգնությամբ ։
« Պետք է խելամտորեն գործել և մաքրությունն իրականացնել պակաս թունավոր նյութեր պարունակող միջոցներով , որպես կանոն, ոչ այնքան էժան և ոչ ավել , քան շաբաթական մեկ անգամ », - ամփոփում է Վալերի Պետրոսյանը:
