Զարուհի Փոստանջյանը բողոք է ներկայացրել ՀՀ գլխավոր դատախազին՝ չընդունելով ՀՀ քննչական կոմիտեի ՀԿԳ քննության վարչության ՀԿԳ ավագ քննիչ Արամ Մկրտչյանը որոշումը.
2018 թվականի փետրվարի 13-ին և փետրվարի 19-ին Երևանի քաղաքապետարանում «Ազատություն», «Ա1+» լրատվամիջոցների և Երևանի ավագանու «Երկիր Ծիրանի» խմբակցության աշխատանքները խոչընդոտելու վերաբերյալ Զարուհի Փոստանջյանի հաղորդմանը հանցագործության մասին ի պատասխան՝ ՀՀ քննչական կոմիտեի ՀԿԳ քննության վարչության ՀԿԳ ավագ քննիչ Արամ Մկրտչյանը որոշում է կայացրել քրեական գործի հարուցումը մերժելու և հետապնդում չիրականացնելու մասին:
Սույն որոշման անօրինական լինելու և, ըստ էության, հովանավորչություն ցուցաբերելու՝ հանցագործությունը կոծկելու հիմքով Զարուհի Փոստանջյանը բողոք է ներկայացրել ՀՀ գլխավոր դատախազին:
«Երկիր Ծիրանի» կուսակցության լրատվական ծառայություն
