Մի քանի ժամով չենք տեսնում, կարոտում ենք: Այսօր՝ ապրիլի 20-ին Նիկոլ Փաշինյանին Գյուլբենկյան փողոցում հանդիպելիս հայտարարեց Երևանի փոխոստիկանապետ Վալերի Օսիպյանը:
Փաշինյանն իր հերթին նշեց, որ արդեն ուրախանում են, երբ տեսնում են Օսիպյանին:
Ապա Օսիպյանը հետաքրքրվեց, թե ինչ են ծրագրված այսօր ցուցարարների կողմից՝ ստանալով Փաշինյանի պատասխանը՝ թավշյա հեղափոխությունը:
Երևանի փոխոստիկանապետը նաև հիշեցրեց Փաշինյանին, որ հանրահավաքի կազմակերպիչները պարտավոր են իրավապահներին տեղյակ պահել երթուղու մասին, իսկ ոստիկանությունը պետք է ապահովի խաղաղ երթը:
Դրանից հետո ցուցարարները ոստիկանների ուղեկցությամբ շարժվեցին դեպի Կոմիտասի պողոտա՝ ավելի ուշ կարճ ժամանակով երկկողմանի փակելով Դավթաշենի կամուրջը:
