Սաջիդ Ջավիդը, ով ծագումով պակիստանցի է, նշանակվել է Մեծ Բրիտանիայի ներքին գործերի նախարարի պաշտոնում՝ դառնալով Միացյալ Թագավորության պատմության մեջ այս պաշտոնը զբաղեցնող առաջին մուսուլմանը:
Այս մասին հայտնում է The Guardian-ը՝ նշելով, որ վարչապետ Թերեզա Մեյի պաշտոնական թվիթերյան էջում հայտարարվել է, որ Սաջիդ Ջավիդը նշանակավել է ՆԳ նախարար:
Ջավիդի մասին հայտնի է այն, որ նա ազգությամբ պակիստանցի է, ծնվել է բրիտանական Ռոչդեյլում, Պահպանողական կուսակցության անդամ է, նախկինում աշխատել է վարչապետ Դևիդ Քեմերոնի ղեկավարած կառավարությունում:
Հիշեցնենք, որ ՆԳ նախարարի պաշտոնում Ջավիդը փոխարինել է Էմբեր Ռադին, ով ինքնակամ հրաժարական տվեց՝ ներգաղթյալների հետ կապված սկանդալի պատճառով: