Ադրբեջանի նախագահ Իլհամ Ալիևը հայտարարել է, որ Ադրբեջանի տարածքային ամբողջականությունը չի կարող բանակցային հարց լինել ղարաբաղյան հակամարտության կարգավորման գործընթացում: Այս մասին գրում է ՌԻԱ Նովոստին:
Ալիևը նշել է, որ հակամարտության կարգավորման հարցում Բաքվի դիրքորոշումը չի փոխվել՝ շարունակելով պնդել, թե «Արցախն Ադրբեջանի տարածք է»:
Ավելի վաղ ՀՀ վարչապետ Նիկոլ Փաշինյանն Արցախում հայտարարել էր, որ հակամարտության կարգավորմանն ուղղված բանակցություններում ինքը խոսելու է Հայաստանի Հանրապետության անունից, իսկ Արցախի անունից պետք է բանակցեն Արցախի Հանրապետության իշխանությունները՝ ի դեմս նախագահի:
