Նարե Սարգսյանը իր ֆեյսբուքյան էջում գրում է.
Հայաստանում գտնվող Ուկրայինայի ռադայի պատգամավոր, Բորիս Տարասյուկը, ով մի քանի օր առաջ աչքի ընկավ իր հակահայկական հայտարարություններում, ևս մեկ անգամ ինքնադրսևորվելու առիթ է ունեցել:
Այսօր «ՉԻ» կոչված օրաթերթում տպագրվել է վերոհիշյալ անձի հարցազրույցը, որտեղ, թերթի գրչակ լրագրողները, օգտվելով Տարասյուկի հակահայ դիրքորոշումից, ՀՀ ներքաղաքական հարցերի շուրջ մի քանի պարզաբանումներ են քննարկել:
Մասնավորապես հիմնական թեման կապված է եղել Սերժ Սարգսյանի նախաձեռնած սահմանադրական փոփոխություններին. Տարասյուկն իր խոսքում նշել է. «Թեև Սահմանդրությունը երկրի բարձրագույն օրենսդրական փաստաթուղթն է, այն չի կարող հանգեցնել պետության զարգացմանը կամ նպաստել ժողովրդավորությանը»: Տարասյուկի կարծիքով սահմանդրական փոփոխությունները բավարար չեն ժողովրդավարության գործընթացն ապահովելու համար, և անհրաժեշտ են ֆունդամենտալ փոփոխություններ:
Պատգամավորը նաև նշել է, որ «ՀՀ-ում գործող իշխանությունները ընտրել են արտաքին քաղաքական մի կուրս, որը հակասում է եվրոպական արժեքներին»: Այստեղ հետաքրքրական մի քանի եզրույթներ. տարօրինակ է այն փաստը, որ ժողովրդավարության մասին խոսում է Մայդան կազմակերպած խմբի ներկայացուցիչը, և որ ամենագլխավորն է, ինչ կապ ունի Տարասյուկը ՀՀ նեքաղաքական գործընթացների հետ, առավել ևս հանդես գալ այն քննադատող ինչ-ինչ որակումներով: Հիշեցնենք, որ օրեր առաջ ԱԺ-ում Տարասյուկը Ուկրաինայում կատարվող իրադարձությունները համեմատել է Հայոց ցեղասպանության ճանաչման պահանջի հետ:
Ուկրաինացին մասնավորապես ասել էր. «Դա նույնն է, որ դուք տարիներով խոսում եք հայերի ցեղասպանության մասին, և որևէ մեկը դա փորձում է ժխտել: Եթե դուք հիմա ժխտում եք, որ Ռուսաստանը ագրեսիա է իրականացրել Ուկրաինայի հանդեպ, ապա ինչպե՞ս կարող եք ամբողջ աշխարհից պահանջել, որ ճանաչեն այդ ցեղասպանությունը»:
Սա ընդամենը ՀՀ ընդդիմադիր մամուլի հերթական անհեռատես քայլերից մեկն է, երբ մեր ազգի ու ժողովրդի վերաբերյալ բացահայտ թշնամական վերբերմունք ունեցող գործչի կարծիքը փորձում են ծառայեցնել սեփական պատվիրատուների շահերին: Ուշագրավ է, որ թերթը բացահայտ ադրբեջանամետ գործչի տեսակետը ներկայցնում են որպես միջազգային կառույցի ներկայացուցչի դիրքորոշում, ինչն ուղղակի թերթի «քաղաքական տանիքի» զավեշտի արտացոլումն է: Հ.գ. Թոմաս Էդիսոն. «Քաղաքակրթության կարևորագույն խնդիրը մարդուն մտածել սովորեցնելն է»:
