Քիչ առաջ ավարտվեց ՀՀ ՍԴ նախագահ Հրայր Թովմասյանի տանը ՀՔԾ քննիչների կողմից իրականացվող խուզարկությունը:
Խուզարկությունից հետո լրագրողների հետ զրույցում Թովմասյանը շնորհակալություն հայտնեց լրագրողներին, որ համակ ուշադրությամբ հետևում են ողջ պրոցեսին: Այս պրոցեսի հանրային վերահսկողությունն ինձ համար շատ կարևոր է»:
«Ուզում եմ ասել, որ 2-3 անգամ հրավիրվել եմ հարցաքննության, իսկ այսօր արդեն տանն են ինչ-որ քննչական գործողություն կատարել: Իմ խնդրանքը, միջնորդությունը, հորդորը եղել է մեկը՝ այդ ամբողջը տեսաձայնագրվի: Ես ձեզ վստահեցնում եմ՝ այն, ինչ այսօր կատարվում է, այս օրով չի ավարտվելու, ցավոք դրանք նոր քրեական գործերի հիմք են դառնալու և այդ ժամանակ այդ ապացուցողական բազան, թե ով ինչ ասաց, ինչպես վարվեց և այլն չի լինելու: Ես իմ միջնորդությունը միշտ կրկնելու եմ, որ այդ ամբողջ հարցաքննությունը տեսաձայնագրվի, բոլոր գործողությունները տեսաձայնագրվեն»:
Թովմասյանի համար անհասկանալի է, թե ինչու է քննչական մարմինը ձեռնպահ մնում և մերժում միջնորդությունները. «Դա պետք է, որպեսզի հետո տարընթերցումներ տարբեր մեկնաբանություններ չլինեն»:
