Մասնագետները հայտնել են, որ չինական կորոնավիրուսի դեմ առաջին պատվաստանյութը կարող է ստեղծվել միայն 18 ամիս անց: Այս մասին Ժնևում կայացած մամուլի ասուլիսի ժամանակ հայտարարել է ԱՀԿ ղեկավար Թեդրոս Ադան Գեբրեիսուսը:
Նրա խոսքերով պատվաստանյութի մշակման երկար ժամանակի պատճառով այժմ անհրաժեշտ է օգտագործել առկա բոլոր ռեսուրսները և միջոցներ ձեռնարկել՝ կանխելու կորոնավիրուսի տարածումը: ԱՀԿ-ն նաև խորհուրդներ է տվել կանխարգելման համար, օրինակ՝ 40-60 վայրկյան օճառով ձեռքերը լվանալը, բժշկական դիմակներ կրելը և հիվանդների հետ շփումից խուսափելը:
