Ես ուզում եմ Արցախի ժողովրդին, մեզ՝ բոլորիս, շնորհավորել ընտրությունների առիթով: Կառավարության նիստում հայտարարեց ՀՀ վարչապետ Նիկոլ Փաշինյանը:
Փաշինյանը հայտարարեց, որ տեղի են ունեցել բարձր որակի ընտրություններ, ինչի մասին վկայում են պաշտոնական արդյունքները:
Վարչապետի խոսքերով, այն փաստը, որ Արայիկ Հարությունյանին մի քանի հարյուր ձայն չի հերիքել հենց առաջին փուլով ընտրվելու համար, բավականին խոսուն է, խոսուն է նաև ընտրություններին մասնակցող ուժերի աննախադեպ մեծ թիվը, ինչպես նաև այն, որ խորհրդարանական ընտրությունների արդյունքում 2-րդ և 3-րդ տեղերում հայտնվել են ընդդիմադիր ուժեր:
Փաշինյանը կարծում է, որ Արցախում ժողովրդավարության հետագա զարգացումը կարևոր է նաև հարցի արդարացի կարգավորման և տարածաշրջանում անվտանգության և կայունության ապահովման տեսակետից:
