Չեչնիայի ղեկավար Ռամզան Կադիրովը կազմակերպել է Գրոզնիի փողոցների ախտահանումը և ցույց տվել հանրապետությունը կորոնավիրուսից փրկելու համար հավաքած իր թիմին: Համապատասխան տեսանյութը վերջինս հրապարակել է Instagram-ի իր էջում:
Կադիրովի խոսքերով, երթևեկելի հատվածը և հարակից տարածքները ներկայումս մշակվում են 19 ստորաբաժանում հատուկ տեխնիկայի միջոցով, իսկ իրավապահ մարմինների աշխատակիցները և Ռոսգվարդիան օգնում են ախտահանում իրականացնող ծառայություններին․ «Նրանք ապահովում են հատուկ սարքավորումների անխոչընդոտ աշխատանքը և ճանապարհային անվտանգության կանոններին պահպանումը»,-պարզաբանել է Կադիրովը:
Հանրապետության ղեկավարը նշել է, որ Չեչնիայում ամեն ինչ արվում է կորոնավիրուսային համաճարակի տարածումը կանխելու ուղղությամբ․ «Այս նպատակին հասնելու համար մենք պատրաստ ենք օգտագործել մեր ունեցած բոլոր միջոցներն ու հնարավորությունները»,-ավելացրել է Կադիրովը:
