Հայաստանցի այն ուսանողները, ովքեր կընդունվեն շվեդական համալսարաններ, 2015 թվականից կարող են դիմել Շվեդական ինստիտուտին` կրթաթոշակներ ստանալու համար:
Կրթաթոշակների տրամադրմանը զուգահեռ՝ 2015 թվականից Հայաստանը կընդգրկվի նաև Շվեդական ինստիտուտի նախաձեռնած «Ստեղծագործական ուժ» ծրագրի շահառու երկրների ցանկում։ Ծրագիրը հայկական կազմակերպություններին հնարավորություն կտա Շվեդիայում կամ Հայաստանում կազմակերպել համատեղ փառատոններ, ցուցահանդեսներ, փորձի փոխանակման ծրագրեր, լրագրողական նախաձեռնություններ, այցելություններ և մշակութային այլ միջոցառումներ՝ ինստիտուտի ֆինանսավորությամբ:
