Թուրքիայի իշխանությունները խստացրել են կորոնավիրուսի տարածման դեմ պայքարի միջոցները և 20-ից ցածր տարիքի քաղաքացիներին արգելել դուրս գալ տանից: Այս մասին հայտարարել է պետության ղեկավար Ռեջեփ Թայիփ Էրդողանը, փոխանցում է Anadolu-ն:
Բացի այդ, 15 օրով կդադարեցվի տրանսպորտային միջոցների երթևեկությունը Թուրքիայի 30 խոշոր քաղաքներում: Անհրաժեշտության դեպքում այս ժամանակահատվածը կերկարաձգվի: Քաղաքացիներից կպահանջվի նաև բժշկական դիմակներ կրել հասարակական վայրեր այցելելիս: