Իմ պատկերացրած պատասխանը՝ Էրդողանին.
«Պոլսո Պատրիարքի միջոցով ստացանք նախագահ Էրդողանի պատրաստակամությունը` Հայաստանին օգնություն առաջարկելու վերաբերյալ:
Ցավում ենք, որ Թուրքիայի կողմից վարվող քաղաքականությունը հնարավորություն չի տվել այդ ուղերձը փոխանցել դիվանագիտական խողովակներով: 
Ցավոք, օգնության փոխանցումն էլ Հայաստանին դյուրին չէ, նույն քաղաքականության արդյունքում Թուրքիայի կողմից հայ-թուրքական սահմանի միակողմանի փակ լինելու պատճառով:
Այս երկու խոչընդհոտները խնդրահարույց են դարձնում Թուրքիայի համար Հայաստանին օգնության տրամադրելու հեռանկարը: Բնական է, որ միակողմանի ստեղծված այդ խոչընդհոտը գոյություն չուներ Հայաստանի համար և դրա վառ ապացույցը 2011 թվականին Թուրքիայում տեղի ունեցած երկրաշարժի արդյունքում Հայաստանից օգնության առաքումն էր Թուրքիա:
Կարծում ենք պետք է հետևել ՄԱԿ-ի գլխավոր քարտուղարի հորդորին և այս ծանր ժամանակներում բացել հայ-թուրքական սահմաններն առանց որևէ նախապայմանի, ինչին Հայաստանը պատրաստ է:
Միևնույն ժամանակ ուրախ կլինենք տեղեկանալ, որ Հայաստանի բարեկամ երկրների համար նախատեսված հումանիտար բեռները չեն արգելափակվում Թուրքիայի կողմից և առաքվում են հասցեատերերին, քանի որ նրանք նույնպես դրա կարիքն ունեն:»
Պատասխանը կարող տալ միջին օղակի որևէ պաշտոնյա:
