Ֆրանսիացի կինոլոգները փորձարկում են շների հոտառության միջոցով հայտնաբերել կորոնավիրուսով վարակված մարդկանց: Եվ չնայած մասնագետներն անվստահություն ունեն դրա հաջողության հարցում, առաջին արդյունքները, ըստ նրանց, հուսադրող են թվում: Այս մասին հայտնում է ՏԱՍՍ-ը։
Ըստ «Le Parisien» թերթի՝ դասընթացները սկսվել են ապրիլի 30-ին, որի մեջ ընդգրկվել են տարբեր ցեղատեսակի 7 ծառայողական շուն, հիմնականում բելգիական հովտաշներ։
Մասնագետները վստահեցրել են, որ վարակվածներին հայտնաբերելը վարակվելու վտանգ չի առաջացնի շների համար: